Rais wa Jamhuri ya Muungano wa Tanzania Dkt. John Pombe Magufuli leo tarehe 15 Machi, 2016 amewaapisha wakuu wa mikoa 25, Mkurugenzi Mkuu wa Taasisi ya Kuzuia na Kupambana na Rushwa (TAKUKURU) na Kamishna Mkuu wa Mamlaka ya Mapato Tanzania (TRA).
Rais wa Rwanda Paul Kagame amelaumu Jumuiya ya Afrika Mashariki kwa kutumia pesa ‘kiholela’ kutokana na mawaziri kufanya ziara za mara kwa mara kuhudhuria mikutano.
Amesema mawaziri wa nchi yake wanatumia chombo hicho kama njia ya kujinufaisha kwa kufanya ziara na kuhudhuria mikutano ya jumuiya hiyo isiyo muhimu.
Polisi nchini Brazil, inasema kuwa zaidi ya raia milioni 3 wameandamana nchi nzima hapo jana, ikiwa ni maandamano makubwa kuwahi kushuhudiwa nchini humo, wakishinikiza kuondolewa madarakani kwa rais Dilma Rousseff.
Chama cha kansela wa Ujerumani, Angela Merkel kimepata pigo kubwa kwenye uchaguzi wa majimbo uliofanyika hapo jana, ambapo wachambuzi wa mambo wanasema hali hiyo imetokana na sera ya chama chake kuhusu wahamiaji na wakimbizi.
Chama cha mrengo wa kulia cha AFD kimeshuhudiwa kikiweka historia kwenye uchaguzi wa safari hii, baada ya kupata kura nyingi zinazoelezwa kutoka kwa wananchi wenye hasira na sera za Kansela Merkel kuhusu wahamiaji.
Rais wa Marekani, Barack Obama, ambaye juma lijalo atafanya ziara ya kihistoria nchini Cuba, amewahakikisha raia wa nchi hiyo wanaoishi ughaibuni, kuwa atatumia ziara hiyo kujadili masuala ya haki za binadamu na utawala wa Havana.
Mwenyekiti wa tume ya taifa ya uchaguzi nhini Uganda, Badru Kigundu, hii leo anatarajiwa kuhojiwa na mawakili wa upande wa Amama Mbabazi kwenye kesi ya kupinga matokeo ya urais yaliyomrejesha madarakani rais Yoweri Kaguta Museveni.
Rais wa Malawi, Peter Mutharika amemjia juu muhubiri maarufu nchini Nigeria, aliyedai hivi karibuni wakati wa utabiri wake, kuwa kiongozi huyo atafariki dunia kabla ya April Mosi mwaka huu.
Jeshi la Afrika Kusini limekashifu vikali shambulio la kushtukiza lililotekelezwa kuwalenga wanajeshi wake wa kulinda amani kaskazini mwa jimbo la Darfur nchini Sudan, na kuongeza kuwa kitendo hicho hakikubaliki.
Jeshi la Afrika Kusini limetoa kauli hii wakati huu likithibitisha kuwa wanajeshi wake wawili waliuawa juma lililopita kwenye shambulio la kushtukiza na kuwataja waliouawa kwenye shambulio hilo kuwa na Koplo Msolisi Edward na Brigedia Jenerali Solani Mabanga.
Hatimaye wanajeshi walioasi kwenye jeshila Sudan Kusini na kwenda kupigana sambamba na aliyekuwa makamu wa rais Riek Machar, wamewasili mjini Juba wakimaliza miezi kadhaa ya majadiliano na utawala wa Juba.
Miongoni mwa waliowasili mjini Juba hapo jana ni pamoja na aliyekuwa jenerali wa jeshi la Sudan Kusini kabla ya kuasi, Jenerali, Gathoth Gatkuoth, james Malith Gatluak, Chuol Gakah na Gabriel Yoal Dok, mwenyekiti wa kabila la Nuer walioambatana na wapiganaji wao.
Rais wa Jamhuri ya Muungano wa Tanzania Dkt. John Pombe Magufuli akisalimiana na Makamu wa Rais wa Kampuni ya Total Afrika Mashariki, Javier Rielo Ikulu jijini Dar es Salaam.
