Rais wa Jamhuri ya Muungano wa Tanzania Dkt. John Pombe Magufuli, amemteua Mhandisi Emmanuel Korosso kuwa Mwenyekiti wa Bodi ya Kampuni ya Ndege Tanzania (ATCL).
Taarifa iliyotolewa na Katibu Mkuu Kiongozi Balozi John Kijazi, imeeleza kuwa uteuzi wa Mhandisi Emmanuel Korosso unaanza mara moja.
Mhandisi Emmanuel Korosso anachukua nafasi iliyoachwa wazi na Salim Msoma ambaye alimaliza muda wake.
Rais wa Zambia Edga Lungu ameapishwa hii leo baada ya kuchaguliwa tena wakati wa uchaguzi wa mwezi Agosti.
Kuapishwa kwake kunafanyika baada ya upinzani kushindwa katika kesi ya kutaka matokeo ya uchaguzi kubatilishwa.
Usalama umeimarishwa kwenye mji wa Mombasa nchini Kenya, baada ya kuuawa kwa wanawake watatu waliotekeleza shambulio la kigaidi dhidi ya Polisi wa kituo kikuu cha pwani ya Kenya.
Polisi mjini Mombasa wamesema kuwa wanawake waliohusika kwenye shambulio la kisu na bomu la kutengeneza kwa mkono, walikuwa ni raia wa Kenya na kwamba mmoja kati yao alikuwa amevalia mkanda wa mabomu ambao hata hivyo haukulipuka.
Kupatwa huko kwa jua kutaanza kwenye bahari ya Atlantic, kutaenda Gabon, Jamhuri ya Kidemokrasi ya Congo, Tanzania, Msumbiji na Madagascar na kisha kwenye bahari ya Hindi.
