Rais wa Jamhuri ya Muungano wa Tanzania Dkt. John Pombe Magufuli ametengua uteuzi wa Mkurugenzi Mtendaji wa Halmashauri ya Wilaya ya Mkinga Mkoani Tanga ajulikanae kwa jina la Emmanuel Mkumbo.
Rais Magufuli ametengua uteuzi wa Emmanuel Mkumbo kuanzia leo tarehe 18 Oktoba, 2016.
Uteuzi wa Mkurugenzi Mtendaji wa Halmashauri ya Wilaya ya Mkinga atakayejaza nafasi ya Emmanuel Mkumbo utafanywa baadaye.
Makamu wa Rais Mhe. Samia Suluhu Hassan akizungumza na wananchi wa Gairo Mkoani Morogoro aliposimama kwa muda alipokua akielekea Mkoani.Dodoma leo
Mbio za mwenge mwaka 2017 zitazinduliwa mkoani Katavi na maadhimisho ya kilele cha mbio hizo yatafanyika Mkoa wa Mjini Magharibi Zanzibar.
Rais akiwa katika picha ya pamoja na viongozi wa China na Tanzania waliofika Ikulu leo kujadili juu ya ujenzi wa reli ya kati.
Rais wa Urusi Vladimir Poutine ameamua kuahirisha ziara yake jijini Paris nchini Ufaransa ambayo ilipangwa kufanyika Octoba 19 ambako alitarajiwa kuzungumza na mwenyeji wake Francois Hollande.
Kwa mujibu wa msemaji wa Ikulu ya Kremlin jijini Moscou Dmitri Peskov, ziara hiyo imeahirishwa kwa sasa, itafanyika pale tu rais wa Ufaransa Francois Hollande atapojiskia vizuri.
Serikali ya Burundi imewapiga marufuku wataalamu watatu wa Umoja wa Mataifa baada ya kuchapisha ripoti iliyoituhumu serikali kwa ukiukaji wa haki za kibinadamu.
Ripoti iliyotolewa na wachunguzi hao ilibainisha maelfu ya watu kuteswa, kunyanyaswa kingono au kutoweka wakati wa machafuko ya kisiasa yaliyotokea tangu Aprili mwaka jana.
Rais wa Rwanda Paul Kagame ametishia kuvunja upya mahusiano ya kidiplomasia kati ya Rwanda na Ufaransa Mbele ya Bunge Jumatatu Oktoba 10, katika hotuba ya ufunguzi wa mwaka wa mahakama.
Kauli yake inatokana na hatua ya majaji wa Ufaransa kutangaza kufungua uchunguzi kuhusu mauaji ya rais wa zamani wa Rwanda Juvenal Habyarimana tarehe 6 Aprili 1994.
Rais wa Jamhuri ya Muungano wa Tanzania Dkt. John Pombe Magufuli, amemteua Mhandisi James Mitayakingi Kilaba kuwa Mkurugenzi Mkuu wa Mamlaka ya Mawasiliano Tanzania (TCRA).
Taarifa iliyotolewa leo na Katibu Mkuu Kiongozi Balozi John Kijazi imeeleza kuwa uteuzi wa Mhandisi James Mitayakingi Kilaba umeanza jana Jumamosi tarehe 08 Oktoba, 2016.
Rais wa Jamhuri ya Muungano wa Tanzania Dkt. John Pombe Magufuli tarehe 06 Oktoba, 2016 amezindua kiwanda cha kusindika matunda kinachomilikiwa na kampuni za kitanzania za Bakhresa katika eneo la Mwandege, Wilaya ya Mkuranga Mkoani Pwani.
