Kiongozi wa ulinzi wa karibu na mkuu wa waasi wa kihutu wa Rwanda waliopo nchini DRCongo wa FDLR amejiondoa katika kundi hilo na kujisalimisha nchini Rwanda, duru rasmi kutoka Kigali zimethibitisha.
Kaptaine Aphrodice Nyirimpeta aliwasili Kigali Feb 12 na kupelekwa Mutobo kaskazini mwa nchi hiyo, kambi inayowapokea wapiganaji zamani na kuwapiga msasa kabla ya kujiunga na jamii.
Rais wa Kenya Uhuru Kenyatta amesema Kenya itajenga jela mpya ya kuwazuia wafungwa wenye itikadi kali.
Katika hotuba yake wakati wa hafla ya kufuzu kwa zaidi ya askari jela 2,000 hapo jana raisi Kenyata alisema hatua hiyo imelenga kuzuia wafungwa hao kutoeneza itikadi hizo kwa wafungwa wengine.
Raisi wa Marekani, Barack Obama ameapa kuhakikisha wanajihadi wa islamic state hawapigi kambi nchini Libya na kuongeza kuwa marekani itachukua hatua stahiki pale inapostahili.
Raisi Obama amebainisha kuwa kwa ushirikiano na mataifa mengine yanayopambana dhidi ya wanajihadi wa IS marekani itahakikisha wanakosa fursa ya kujikita nchini Libya.
Katibu mkuu wa zamani wa Umoja wa Mataifa, wa kwanza kutoka bara la Afrika, Boutros Boutros-Ghali aliyefariki dunia hapo jana alikuwa nani?
Alizaliwa Novemba 14 mwaka 1922 mjini Cairo Misri akitoka katika familia tajiri yenye ushawishi mkubwa na ya Wakristo wa dhehebu la Coptic.
Katika taarifa iliyotolewa na Tume ya Taifa ya Uchaguzi ambayo imesainiwa na mkurugenzi wa Uchaguzi Ndg KAilima Ramadhani, inaeleza kwamba taarifa iliyotolewa na Gazeti la Nipashe toleo Na:0578761 la tarehe 16 Februari 2016 kwamba "MCHAKATO WA KURA YA MAONI YA KATIBA INAYOPENDEKEZWA UMEIVA" kwamba taarifa hizi SIO ZA KWELI NA ZINALENGA KUUPOSHOSHA UMMA WA WATANZANIA.
Mawakili wa kiongozi wa upinzani nchini Rwanda, Victoire Ingabire anayetumikia kifungo cha miaka 15 jela, wamelalamika kupata ugumu wakati wanapotaka kuonana na mteja wao wakati huu wakiandaa kesi ya kupitiwa upya kwa hukumu yake katika mahakama ya Afrika.
Wakili wa Ingabire, Gatera Gashabana, amesema February 5 mwaka huu alienda kuonana na mteja wake kwa maandalizi ya kuanza kusikilizwa kwa kesi yake katika mahakama ya haki za binadamu mjini Arusha Tanzania, lakini hakuweza kukutana nae baada ya kuzuiwa na maofisa wa gereza.
Wataalamu wa mazingira wanasema kuwa biashara ya meno ya Tembo haiwezi kumalizwa hivi karibuni kwakuwa kwa sehemu kubwa wanaofanya biashara hiyo ni watu wenye ushawishi kwenye Serikali.
Akizungumza kwenye mjadala wa shirikisho la Marekani linalofanya utafiti wa kisayansi kuhusu wanyamapori, profesa wa bailojia katika chuo kikuu cha Washington, Samuel Wasser, amesema biashara hii inaongozwa na watu wachache wenye fedha na ushawishi mkubwa kwenye Serikali.
Umoja wa Mataifa unachunguza tuhuma mpya za vitendo vya udhalilishaji wa kingono vinavyofanywa na askari wake wa kulinda amani nchini Jamhuri ya Afrika ya Kati, tuhuma ambazo zitakuwa si za kwanza kuelekezwa kwa wanajeshi hao.
Msemaji wa umoja wa Mataifa, Farhan Haq, amesema kuwa tayari timu ya wachunguzi kutoka nchini Jamhuri ya Kidemokrasia ya Kongo, imeshatumwa nchini humo kuchunguza tuhuma hizi mpya dhidi ya walinda amani wake.
Vikosi vya Serikali ya Cameroon vimetekeleza mashambulizi kulenga kambi muhimu za wapiganaji wa kundi la Boko Haram nchini Nigeria, huku ikiripotiwa kuuawa kwa wapiganaji wengi wa kundi hilo pamoja na kukamata zana za kivita zilizokuwa zinatumiwa na wapiganaji hao.
Kwa mujibu wa taarifa iliyotolewa na jeshi la Cameroon imesema kuwa operesheni dhidi ya wapiganaji wa Boko Haram, ilitekelezwa juma moja lililopita kwenye eneo la Ngoshe, eneo la mpaka wa nchi hiyo na Nigeria.
Kiongozi wa chama kikuu cha upinzani nchini Uganda, FDC, amesema hana imani na uchaguzi utakaofanyika juma hili ikiwa utakuwa huru na haki na kulituhumu jeshi la polisi nchini humo kwa kuchochea vurugu kuelekea uchaguzi mkuu.
